ព្រះត្រៃបិដក ភាគ ១០៩
[៩៥៧] ក្នុងហេតុប្បច្ច័យ មានវារៈ៥។
[៩៥៨] ធម៌មិនមែនជាមិនមែនជាហេតុ មិនមែនជាមិនមានអាសវៈ និងមិនមែនជាមិនមែនជាអាសវៈ អាស្រ័យនូវធម៌ជាហេតុ ប្រព្រឹត្តទៅជាមួយនឹងអាសវៈ និងមិនមែនជាអាសវៈ ទើបកើតឡើង ព្រោះហេតុប្បច្ច័យ។
[៩៥៩] ក្នុងហេតុប្បច្ច័យ មានវារៈ៥។
ហេតុទុកអាសវអាសវសម្បយុត្តទុកៈ
នហេតុទុកនអាសវអាសវសម្បយុត្តទុកៈ
[៩៦០] ធម៌មិនមែនជាហេតុ មិនមែនជាអាសវៈ និងមិនមែនប្រាសចាកអាសវៈ អាស្រ័យនូវធម៌ជាហេតុ ជាអាសវៈ និងប្រកបដោយអាសវៈ ទើបកើតឡើង ព្រោះហេតុប្បច្ច័យ។
[៩៦១] ក្នុងហេតុប្បច្ច័យ មានវារៈ៣។
[៩៦២] ធម៌មិនមែនជាមិនមែនជាហេតុ មិនមែនប្រាសចាកអាសវៈ និងមិនមែនជាមិនមែនជាអាសវៈ អាស្រ័យនូវធម៌មិនមែនជាហេតុ ប្រកបដោយអាសវៈ និងមិនមែនជាអាសវៈ ទើបកើតឡើង ព្រោះហេតុប្បច្ច័យ។
[៩៦៣] ក្នុងហេតុប្បច្ច័យ មានវារៈ៣។
ID: 637833177672423660
ទៅកាន់ទំព័រ៖