[១០០២] ក្នុងហេតុប្បច្ច័យ មានវារៈ៣។
[១០០៣] ធម៌មិនមែនជាមិនមែនហេតុ មិនមែនជាមិនមែនកើតជាមួយនឹងចិត្ត អាស្រ័យនូវធម៌មិនមែនជាហេតុ មិនមែនកើតជាមួយនឹងចិត្ត ទើបកើតឡើង ព្រោះហេតុប្បច្ច័យ។
[១០០៤] ក្នុងហេតុប្បច្ច័យ មានវារៈ៣។
ហេតុទុកចិត្តានុបរិវត្តិទុកៈ នហេតុទុកនោចិត្តានុបរិវត្តិទុកៈ
[១០០៥] ធម៌មិនមែនជាហេតុ មិនមែនប្រព្រឹត្តទៅតាមចិត្ត អាស្រ័យនូវធម៌ជាហេតុ ប្រព្រឹត្តទៅតាមចិត្ត ទើបកើតឡើង ព្រោះហេតុប្បច្ច័យ។
[១០០៦] ក្នុងហេតុប្បច្ច័យ មានវារៈ៣។
[១០០៧] ធម៌មិនមែនជាមិនមែនហេតុ មិនមែនជាមិនមែនប្រព្រឹត្តទៅតាមចិត្ត អាស្រ័យនូវធម៌មិនមែនជាហេតុ មិនមែនប្រព្រឹត្តទៅតាមចិត្ត ទើបកើតឡើង ព្រោះហេតុប្បច្ច័យ។
[១០០៨] ក្នុងហេតុប្បច្ច័យ មានវារៈ៣។
ហេតុទុកចិត្តសំសដ្ឋសមុដ្ឋានទុកៈ
នហេតុទុកនោចិត្តសំសដ្ឋសមុដ្ឋានទុកៈ
[១០០៩] ធម៌មិនមែនជាហេតុ មិនមែនលាយឡំ និងតាំងឡើងដោយចិត្ត អាស្រ័យនូវធម៌ជាហេតុ លាយឡំ និងតាំងឡើងដោយចិត្ត ទើបកើតឡើង ព្រោះហេតុប្បច្ច័យ។