ព្រះត្រៃបិដក ភាគ ១០៩
[១០៣១] ក្នុងហេតុប្បច្ច័យ មានវារៈ៣។
សហេតុកទុកហេតុទុកៈ នសហេតុកទុកនហេតុទុកៈ
[១០៣២] ធម៌មិនមែនប្រព្រឹត្តទៅជាមួយនឹងហេតុ មិនមែនជាហេតុ អាស្រ័យនូវធម៌ប្រព្រឹត្តទៅជាមួយនឹងហេតុ ជាហេតុ ទើបកើតឡើង ព្រោះហេតុប្បច្ច័យ មានវារៈ៣។ ធម៌មិនមែនជាមិនមានហេតុ មិនមែនជាហេតុ អាស្រ័យនូវធម៌មិនមានហេតុ ជាហេតុ ទើបកើតឡើង ព្រោះហេតុប្បច្ច័យ។
[១០៣៣] ក្នុងហេតុប្បច្ច័យ មានវារៈ៦។
[១០៣៤] ធម៌មិនមែនជាមិនមានហេតុ មិនមែនជាមិនមែនហេតុ អាស្រ័យនូវធម៌ប្រព្រឹត្តទៅជាមួយនឹងហេតុ មិនមែនជាហេតុ ទើបកើតឡើង ព្រោះហេតុប្បច្ច័យ មានវារៈ៣។
[១០៣៥] ក្នុងហេតុប្បច្ច័យ មានវារៈ៣។
ហេតុសម្បយុត្តទុកហេតុទុកៈ
នហេតុសម្បយុត្តទុកនហេតុទុកៈ
[១០៣៦] ធម៌មិនមែនប្រកបដោយហេតុ មិនមែនជាហេតុ អាស្រ័យនូវធម៌ប្រកបដោយហេតុ ជាហេតុ ទើបកើតឡើង ព្រោះហេតុប្បច្ច័យ មានវារៈ៣។ ធម៌មិនមែនប្រាសចាកហេតុ មិនមែនជាហេតុ អាស្រ័យនូវធម៌ប្រាសចាកហេតុ ជាហេតុ ទើបកើតឡើង ព្រោះហេតុប្បច្ច័យ មានវារៈ៣។
ID: 637833182627541984
ទៅកាន់ទំព័រ៖