ព្រះត្រៃបិដក ភាគ ១០៩
[១០៦៥] ក្នុងហេតុប្បច្ច័យ មានវារៈ៤។
[១០៦៦] ធម៌មិនមែនជាលោកុត្តរៈ មិនមែនជាមិនមែនជាហេតុ អាស្រ័យនូវធម៌ជាលោកិយ មិនមែនជាហេតុ ទើបកើតឡើង ព្រោះហេតុប្បច្ច័យ មានវារៈ១។ ធម៌មិនមែនជាលោកិយ មិនមែនជាមិនមែនជាហេតុ អាស្រ័យនូវធម៌ជាលោកុត្តរៈ មិនមែនជាហេតុ ទើបកើតឡើង ព្រោះហេតុប្បច្ច័យ មានវារៈ១។
[១០៦៧] ក្នុងហេតុប្បច្ច័យ មានវារៈ២។
កេនចិវិញ្ញេយ្យទុកហេតុទុកៈ
នកេនចិវិញ្ញេយ្យទុកនហេតុទុកៈ
[១០៦៨] ធម៌ដែលមិនមែនជាមិនមែនត្រូវដឹងដោយវិញ្ញាណណានីមួយ មិនមែនជាហេតុ អាស្រ័យនូវធម៌ ដែលត្រូវដឹងដោយវិញ្ញាណណានីមួយ ជាហេតុ ទើបកើតឡើង ព្រោះហេតុប្បច្ច័យ មានវារៈ៣។ ធម៌ដែលមិនមែនជាមិនមែនត្រូវដឹងដោយវិញ្ញាណណានីមួយ មិនមែនជាហេតុ អាស្រ័យនូវធម៌ ដែលមិនមែនត្រូវដឹងដោយវិញ្ញាណណានីមួយ ជាហេតុ ទើបកើតឡើង ព្រោះហេតុប្បច្ច័យ មានវារៈ៣។ ធម៌ដែលមិនមែនត្រូវដឹងដោយវិញ្ញាណណានីមួយ មិនមែនជាហេតុ អាស្រ័យនូវធម៌ដែលត្រូវដឹងដោយវិញ្ញាណណានីមួយ ជាហេតុផង មិនមែនត្រូវដឹងដោយវិញ្ញាណណានីមួយ ជាហេតុផង ទើបកើតឡើង ព្រោះហេតុប្បច្ច័យ មានវារៈ៣។
ID: 637833184912702998
ទៅកាន់ទំព័រ៖