ព្រះត្រៃបិដក ភាគ ៩២
[៥៩០] ឃានិន្ទ្រិយ នឹងមិនកើតឡើង ក្នុងទីណា សទ្ធិន្ទ្រិយ។បេ។ បញ្ញិន្ទ្រិយ មនិន្ទ្រិយ នឹងមិនកើតឡើង ក្នុងទីនោះឬ។ ឃានិន្ទ្រិយ នឹងមិនកើតឡើង ក្នុងរូបាវចរភព និងអរូបាវចរភពនោះ ឯមនិន្ទ្រិយ មិនមែនជានឹងមិនកើតឡើង ក្នុងភពនោះទេ ឃានិន្ទ្រិយ នឹងមិនកើតឡើងផង មនិន្ទ្រិយ នឹងមិនកើតឡើងផង ក្នុងអសញ្ញសត្វនោះ។ មួយទៀត មនិន្ទ្រិយ នឹងមិនកើតឡើង ក្នុងទីណា ឃានិន្ទ្រិយ នឹងមិនកើតឡើង ក្នុងទីនោះឬ។ អើ។
[៥៩១] ឥត្ថិន្ទ្រិយ នឹងមិនកើតឡើង ក្នុងទីណា បុរិសិន្ទ្រិយ នឹងមិនកើតឡើង ក្នុងទីនោះឬ។ អើ។ មួយទៀត បុរិសិន្ទ្រិយ នឹងមិនកើតឡើង ក្នុងទីណា ឥត្ថិន្ទ្រិយ នឹងមិនកើតឡើង ក្នុងទីនោះឬ។ អើ។បេ។
[៥៩២] បុរិសិន្ទ្រិយ នឹងមិនកើតឡើង ក្នុងទីណា ជីវិតិន្ទ្រិយ នឹងមិនកើតឡើង ក្នុងទីនោះឬ។ នឹងកើតឡើង។ មួយទៀត ជីវិតិន្ទ្រិយ នឹងមិនកើតឡើង ក្នុងទីណា បុរិសិន្ទ្រិយ នឹងមិនកើតឡើង ក្នុងទីនោះឬ។ មិនមានទេ។
ID: 637827185453224172
ទៅកាន់ទំព័រ៖